Adabiyotlar, rasmiylashtirish va imlo — kompyuteringizda, internetsiz.
DisHelper — Word (.docx) formatidagi dissertatsiyani topshirishdan oldin tekshiradigan bepul oflayn dastur. Hujjat hech qayerga yuborilmaydi: barcha tekshiruvlar sizning kompyuteringizda bajariladi. Doktorantlar (PhD, DSc), mustaqil izlanuvchilar, ilmiy rahbarlar, ilmiy kotiblar, kafedralar va dissertatsiya kengashlari uchun.
Matndagi har bir [N] havola adabiyotlar roʻyxatida borligini, roʻyxatdagi har bir manbaga havola qilinganini va raqamlash uzluksizligini tekshiradi. Gapdagi muallif roʻyxatdagi yozuv bilan solishtiriladi: matnda «Suravegina … [123]», 123-raqam ostida esa Khaddage boʻlsa, dastur Suravegina turgan [1] raqamini taklif qiladi. Natijalar Excelga chiqariladi, hujjatdagi raqamlar esa bitta buyruq bilan almashtiriladi.
Hoshiyalar, Times New Roman shrifti, 14 oʻlcham, 1,5 interval, 1,25 sm xatboshi, tekislash va sahifa raqamlari tekshiriladi. Qoʻsh boʻshliqlar, tinish belgisi oldidagi boʻshliq, ʻ va ʼ belgilari, bitta soʻzda kirill va lotin harflarining aralashib ketishi hamda boʻsh xatboshilar topiladi. Meʼyorlarni kafedrangiz talablariga moslab sozlash mumkin.
97 ming soʻz shaklidan iborat lugʻat morfologik tahlil bilan birga ishlaydi, shuning uchun «sinflarida», «koʻnikmalarini» kabi soʻzlar xato hisoblanmaydi. «ohirgi», «tarbya», «rivojlantiruvshi» kabi xatolar esa topiladi va toʻgʻri soʻz taklif qilinadi.
Topilgan barcha muammolar roʻyxati.
Havolalar boʻyicha jadval — saralash va filtrlash uchun qulay.
Dissertatsiya nusxasi, unda muammoli joylar rang bilan ajratilgan. Sichqonchani rangli joy ustiga olib borsangiz, izoh koʻrinadi.
Asl fayl oʻzgarmaydi — barcha belgilar faqat nusxada.
Suravegina [1]Muallif [1] yozuvi bilan mos keldi taklif qilgan usul ohirgiImlo: «ohirgi» → «oxirgi» yillarda keng qoʻllanmoqda [45]Gapda muallif nomi yoʻq — qoʻlda tekshiring. Bu yondashuvni Suravegina ham taʼkidlaydi [123][123] ostida Khaddage. Suravegina — [1].
Onlayn xizmatlardan asosiy farqi shu: DisHelper hujjat bilan faqat sizning kompyuteringizda ishlaydi.
Dastur toʻliq oflayn ishlaydi: lugʻat va barcha tekshiruvlar dastur ichida.
Akkaunt, login va parol talab qilinmaydi.
Hujjat hech qanday serverga yuklanmaydi va hech kimga uzatilmaydi.
Windows va macOS uchun bepul. Oʻrnatish shart emas.
Yoʻq. Dastur mustaqil ishlaydi, qoʻshimcha hech narsa oʻrnatish shart emas.
Dastur tijorat sertifikati bilan imzolanmagani uchun tizim shunday ogohlantiradi. Windows tizimida More info / Подробнее, soʻng Run anyway / Выполнить в любом случае tugmasini bosing. macOS tizimida dasturni bir marta ochishga urinib koʻring, keyin System Settings → Privacy & Security boʻlimida Open Anyway tugmasini bosing.
Havolalar va rasmiylashtirish tekshiruvi — ha. Imlo tekshiruvi hozircha faqat oʻzbek lotin yozuvi uchun ishlaydi.
Ha. «Rasmiylashtirish meʼyorlari» yorligʻida hoshiyalar, shrift, interval va boshqa qiymatlarni kafedrangiz talablariga moslab oʻzgartirishingiz mumkin.
Tekshiruv lugʻatga asoslangan va 100% kafolat bermaydi. Shubhali soʻzlar belgilanadi, yakuniy qarorni muallif qabul qiladi.
Ha, DisHelper bepul.
Oʻzbek tili soʻzlar roʻyxati. Muallif — Mashrab Kuvatov. Litsenziya: GPL-2.0-or-later.
Oʻzbek tili uchun morfologik analizator. Muallif — Ulugbek Salaev.